Jailer Movie: ಜೈಲರ್ ಮ್ಯೂಸಿಕ್ ಡೈರೆಕ್ಟರ್ ಗಿಫ್ಟ್ ಆಗಿ ಸಿಕ್ಕ ದುಬಾರಿ ಕಾರಿನ ಬೆಲೆ ಎಷ್ಟು…? ಕಾರ್ ಜೊತೆ ಚೆಕ್.
ಜೈಲರ್ ಗೆದ್ದ ಖುಷಿ, ಮ್ಯೂಸಿಕ್ ಡೈರೆಕ್ಟರ್ ಅನಿರುಧ್ ರವಿಚಂದರ್ ಗೆ ಸಿಕ್ತು ದುಬಾರಿ ಕಾರು.
Jailer Movie Success: ಚಿತ್ರರಂಗದಲ್ಲಿ ಸುದ್ದಿ ಮಾಡಿದ ಬ್ಲಾಕ್ ಬಸ್ಟರ್ ಸಿನಿಮಾಗಳ ಪಟ್ಟಿಯಲ್ಲಿ ಜೈಲರ್ (Jailer ) ಕೂಡ ಸೇರಿದೆ. ಹಲವು ದಾಖಲೆಗಳನ್ನು ಸೃಷ್ಟಿಸಿರುವ ಸೂಪರ್ ಸ್ಟಾರ್ ರಜನಿಕಾಂತ್ (Rajinikanth) ಮುಖ್ಯ ಪಾತ್ರದಲ್ಲಿ ಅಭಿನಯಿಸಿರುವ ಜೈಲರ್ ಸಿನಿಮಾದ ಕ್ರೇಜ್ ಮುಂದುವರಿದಿದೆ. ಈ ಚಿತ್ರದಲ್ಲಿನ ಪ್ರತಿಯೊಂದು ಹಾಡುಗಳು ಸೂಪರ್ ಹಿಟ್ ಆಗಿದೆ. ಪ್ರೇಕ್ಷಕರ ಪ್ರತಿಕ್ರಿಯೆ ಮತ್ತು ಬಾಕ್ಸ್ ಆಫೀಸ್ ಸಂಖ್ಯೆ ಮಾತ್ರವಲ್ಲದೇ ಚಿತ್ರ ತಂಡದವರಿಗೆ ನಿರ್ಮಾಪಕರು ನೀಡುತ್ತಿರುವ ಗೌರವ ಕೂಡ ಪ್ರೇಕ್ಷಕರ ಗಮನ ಸೆಳೆದಿದೆ.
Jailer ಚಿತ್ರದಲ್ಲಿ ಅಭಿನಯಿಸಿದವರಿಗೆ ಬಿಗ್ ಆಫರ್
ದಕ್ಷಿಣ ಚಿತ್ರರಂಗದಲ್ಲಿ ಖ್ಯಾತಿ ಪಡೆದಿರುವ ಕಲಾನಿಧಿ ಮಾರನ್ ಅವರ ಸನ್ ಪಿಕ್ಚರ್ಸ್ ರಜನಿಕಾಂತ್ ನಟನೆಯ Jailer ಸಿನಿಮಾ ನಿರ್ಮಿಸಿದ್ದು, ಸದ್ಯ ಯಶಸ್ಸಿನ ಅಲೆಯಲ್ಲಿ ತೇಲುತ್ತಿದೆ. ಚಿತ್ರ ಗೆದ್ದ ಖುಷಿಯಲ್ಲಿ ಚಿತ್ರ ತಂಡದವರನ್ನು ಗುರುತಿಸಿ ಕಲಾನಿಧಿ ಮಾರನ್ ಅವರು ಕೊಡುಗೆಗಳನ್ನು ನೀಡುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ .
ನಟ, ನಿರ್ದೇಶಕ ಹಾಗು ಮ್ಯೂಸಿಕ್ ಡೈರೆಕ್ಟರ್ ಗೆ ಗಿಫ್ಟ್ ಹಾಗು ಚೆಕ್ ನೀಡಿ ಗೌರವ
Jailer ಸಿನಿಮಾದ ನಿರ್ಮಾಪಕರಾದ ಕಲಾನಿಧಿ ಮಾರನ್ ರವರು ಚಿತ್ರದ Actor Rajinikanth ಅವರಿಗೆ ಹೊಸ BMW X7 ಜೊತೆಗೆ ಚೆಕ್ ವಿತರಿಸಿದ್ದಾರೆ. ಚಿತ್ರದ ಲಾಭದ ಹಂಚಿಕೆಯ ಚೆಕ್ ಅದಾಗಿತ್ತು. ಇನ್ನು ಸಿನಿಮಾಗೆ action ಕಟ್ ಹೇಳಿರುವ ನೆಲ್ಸನ್ ದಿಲೀಪ್ ಕುಮಾರ್ ಅವರಿಗೆ ಹಣದ ಜೊತೆಗೆ Porsche car ನೀಡಲಾಗಿದೆ.
ಗಾಯಕ, ಮ್ಯೂಸಿಕ್ ಡೈರೆಕ್ಟರ್ ಅನಿರುಧ್ ರವಿಚಂದರ್ ಅವರಿಗೆ ನಿರ್ಮಾಪಕ ಕಲಾನಿಧಿ ಮಾರನ್ ಅವರು ಹೊಸ Porsche car ಜೊತೆಗೆ ಚೆಕ್ ವಿತರಿಸಿದ್ದಾರೆ. ಇನ್ನು ಈ ಕಾರಿನ ಬೆಲೆ ಸುಮಾರು 2 ಕೋಟಿ ರೂಪಾಯಿ ಎಂದು ಅಂದಾಜು ಮಾಡಲಾಗಿದೆ. ಚೆಕ್ ಅಮೌಂಟ್ ಅನ್ನು ಬಹಿರಂಗಪಡಿಸಿಲ್ಲ. ಚೆಕ್ ನೀಡಿದ ಮತ್ತು ಕಾರ್ ಗಿಫ್ಟ್ ಮಾಡಿದ ಕುತೂಹಲಕಾರಿ ವಿಷಯವನ್ನು ಸನ್ ಪಿಕ್ಚರ್ಸ್ ಸೋಷಿಯಲ್ ಮೀಡಿಯಾಗಳಲ್ಲಿ ಹಂಚಿಕೊಂಡಿದ್ದಾರೆ.
ಮಾಹಿತಿ ಹಂಚಿಕೊಂಡ ಸನ್ ಪಿಕ್ಚರ್ಸ್
ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ X (ಹಿಂದಿನ ಟ್ವಿಟರ್) ನಲ್ಲಿ ಮ್ಯೂಸಿಕ್ ಡೈರೆಕ್ಟರ್, ಖ್ಯಾತ ಗಾಯಕ ಅನಿರುಧ್ ರವಿಚಂದರ್ ಅವರಿಗೆ ಸನ್ ಪಿಕ್ಚರ್ಸ್ನ ಕಲಾನಿಧಿ ಮಾರನ್ ಅವರು ಚೆಕ್ ವಿತರಿಸುತ್ತಿರುವ ಫೋಟೋ ಹಂಚಿಕೊಂಡಿದ್ದಾರೆ. ಕ್ಯಾಪ್ಷನ್ನಲ್ಲಿ, ”ಅನಿರುಧ್ ರವಿಚಂದರ್ ಅವರನ್ನು ಕಲಾನಿಧಿ ಮಾರನ್ ಅಭಿನಂದಿಸಿದರು ಮತ್ತು ಚೆಕ್ ಹಸ್ತಾಂತರಿಸಿದರು. Jailer ಯಶಸ್ಸನ್ನು ಸೆಲೆಬ್ರೇಟ್ ಮಾಡಲಾಗುತ್ತಿದೆ” ಎಂದು ಬರೆದುಕೊಂಡಿದ್ದಾರೆ.
ಅಲ್ಲದೇ ಹೊಚ್ಚ ಹೊಸ ದುಬಾರಿ ಕಾರನ್ನು ಉಡುಗೊರೆಯಾಗಿ ನೀಡುತ್ತಿರುವ ಕ್ಷಣವನ್ನು ಸಹ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಈ ಎರಡೂ ಕ್ಷಣಗಳ ಫೋಟೋ, ವಿಡಿಯೋಗಳು ಆನ್ಲೈನ್ನಲ್ಲಿ ಸದ್ದು ಮಾಡುತ್ತಿವೆ. Jailer ಸಿನಿಮಾ ನಿರ್ಮಾಪಕರು ಮ್ಯೂಸಿಕ್ ಡೈರೆಕ್ಟರ್ ಅನಿರುಧ್ ರವಿಚಂದರ್ ಅವರಿಗೆ ಮಾತ್ರವಲ್ಲದೇ ಚಿತ್ರಕ್ಕೆ ಸಂಬಂಧಿಸಿದ ಪ್ರಮುಖ ವ್ಯಕ್ತಿಗಳಿಗೂ ಈಗಾಗಲೇ ಉಡುಗೊರೆಗಳನ್ನು ನೀಡಿದ್ದಾರೆ.
