Oppo: ಈ ಮೊಬೈಲ್ ಅನ್ನು ಮಡಚಿ ಪಾಕೆಟ್ ನಲ್ಲಿ ಇಟ್ಟುಕೊಳ್ಳಬಹುದು, OPPO ಅಗ್ಗದ ಮೊಬೈಲ್ ಗೆ ಜನರು ಫಿದಾ.
ಗ್ರಾಹಕರಿಗೆ ಅಗ್ಗದ ಬೆಲೆಯಲ್ಲಿ ಒಪ್ಪೋದ ಮಡಚುವ ಮೊಬೈಲ್ ಪರಿಚಯವಾಗಲಿದೆ, ಇಲ್ಲಿದೆ ಪೂರ್ತಿ ಮಾಹಿತಿ
Oppo Find N3 Flip: ಭಾರತದಲ್ಲಿ ಮುಂದಿನ ವಾರ ಅಕ್ಟೋಬರ್ 12 ರಂದು ತನ್ನ ಹೊಸ ಮಡಚುವ ಸ್ಮಾರ್ಟ್ಫೋನ್ ಒಪ್ಪೋ ಫೈಂಡ್ N3 ಫ್ಲಿಪ್ (Oppo Find N3 Flip) ಅನ್ನು ಬಿಡುಗಡೆ ಮಾಡುವುದಾಗಿ ಅಧಿಕೃತವಾಗಿ ಕಂಪನಿ ಘೋಷಣೆ ಮಾಡಿದೆ.
ಈ ಈವೆಂಟ್ ಅನ್ನು ಸಂಜೆ 7 ಗಂಟೆಯಿಂದ ಒಪ್ಪೋ ಯೂಟ್ಯೂಬ್ ಚಾನೆಲ್ನಲ್ಲಿ ಲೈವ್ ಸ್ಟ್ರೀಮ್ ಮಾಡಲಾಗುತ್ತದೆ. ಒಪ್ಪೋ ತನ್ನ ಹೊಸ ಫೋನಿನ ಕೆಲವು ಪ್ರಮುಖ ವಿಶೇತೆಗಳನ್ನು ಸಹ ದೃಢಪಡಿಸಿದೆ ಒಪ್ಪೋ ಫೈಂಡ್ N3 ಫ್ಲಿಪ್ ಭಾರತದಲ್ಲಿ ಕಂಪನಿಯ ಎರಡನೇ ಫೋಲ್ಡಬಲ್‌ ಸ್ಮಾರ್ಟ್ಫೋನ್ ಆಗಿದೆ. ಹಿಂದಿನದು ಫೈಂಡ್ N2 ಫ್ಲಿಪ್ ಆಗಿದೆ. ಇದು ಈ ವರ್ಷದ ಆರಂಭದಲ್ಲಿ ಅನಾವರಣಗೊಂಡಿತ್ತು.
ಹೊಸ ಒಪ್ಪೋ ರೂಪಾಂತರ
ಒಪ್ಪೋ ಫೈಂಡ್ N3 ಫ್ಲಿಪ್ ಇದು ಚೀನಾದಲ್ಲಿ ಬಿಡುಗಡೆಯಾದ ರೂಪಾಂತರದಂತೆಯೇ ಇರಬಹುದು ಎನ್ನಲಾಗಿದೆ. ಫೈಂಡ್ N3 ಫ್ಲಿಪ್ ಪೂರ್ಣ-HD+ ರೆಸಲ್ಯೂಶನ್ ಮತ್ತು 120Hz ರಿಫ್ರೆಶ್ ದರದೊಂದಿಗೆ 6.8-ಇಂಚಿನ ಫೋಲ್ಡಿಂಗ್ ಡಿಸ್ ಪ್ಲೇಯನ್ನು ಹೊಂದಿದೆ. ಹೊರಗಿನ ಡಿಸ್ ಪ್ಲೇಯು 3.26 ಇಂಚುಗಳಿಂದ ಕೂಡಿರುತ್ತದೆ. ಮುಖ್ಯ ಕ್ಯಾಮೆರಾದ ಜೊತೆಗೆ ಈ ಫೋನ್ 48-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಮತ್ತು 32-ಮೆಗಾಪಿಕ್ಸೆಲ್ ಪೋಟ್ರೇಟ್ ಕ್ಯಾಮೆರಾವನ್ನು ಸಹ ಹೊಂದಿದೆ. ಈ ಫೋನ್ 32-ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾವನ್ನು ಒಳಗೊಂಡಿದೆ.
ಒಪ್ಪೋ ಫೈಂಡ್ N3 ಫ್ಲಿಪ್ (Oppo Find N3 Flip) ವಿಶಿಷ್ಟತೆಗಳು
ಒಪ್ಪೋ ಫೈಂಡ್ N3 ಫ್ಲಿಪ್ ಇದು 2 ನೇ ತಲೆಮಾರಿನ TSMC 4nm ಪ್ರಕ್ರಿಯೆಯನ್ನು ಆಧರಿಸಿದೆ. ಮೀಡಿಯಾಟೆಕ್ ಡೈಮೆನ್ಸಿಟಿ 9200 ಪ್ರೊಸೆಸರ್ ಮೂಲಕ ರನ್ ಆಗುತ್ತದೆ. 3GHzನ ARM ಕಾರ್ಟೆಕ್ಸ್ X3 ಕೋರ್, ಮೂರು ಕಾರ್ಟೆಕ್ಸ್-A715 ಕೋರ್ ಮತ್ತು ನಾಲ್ಕು ಕಾರ್ಟೆಕ್ಸ್-A510 ಕೋರ್‌ಗಳನ್ನು ಒಳಗೊಂಡಿದೆ. SoC AI ಕಾರ್ಯಗಳಿಗೆ ಸಹಾಯ ಮಾಡಲು ಮೀಡಿಯಾಟೆಕ್ APU 690 ಮತ್ತು ಹಾರ್ಡ್‌ವೇರ್-ಆಧಾರಿತ ರೇ ಟ್ರೇಸಿಂಗ್‌ ಬೆಂಬಲದೊಂದಿಗೆ ARM ನ Immortalis-G715 GPU ಅನ್ನು ಒಳಗೊಂಡಿದೆ.
ಉತ್ತಮ ಕ್ಯಾಮೆರಾ ಹಾಗು ಬ್ಯಾಟರಿ ಪವರ್
ಫೈಂಡ್ N3 ಫ್ಲಿಪ್ ಫೋನ್‌ನ ಮುಖ್ಯ ಕ್ಯಾಮೆರಾವು ಸೋನಿ IMX709 ಸಂವೇದಕವನ್ನು ಮತ್ತು AI ಸ್ಮಾರ್ಟ್‌ಗಳನ್ನು ಒಳಗೊಂಡಿದೆ. ಹಾಗು ಈ ಫೋನ್ 4,300mAh ಬ್ಯಾಟರಿಯನ್ನು ಹೊಂದಿರುತ್ತದೆ ಮತ್ತು 44W SuperVOOC ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಇದು ಕೇವಲ 56 ನಿಮಿಷಗಳಲ್ಲಿ 100 ಪ್ರತಿಶತ ಚಾರ್ಜ್ ಆಗುತ್ತದೆ. ಹಾಗು ಈ ಮೊಬೈಲ್ 12GB LPDDR5X RAM ಅನ್ನು ಹೊಂದಿರುತ್ತದೆ, ಇದು ಹಿಂದಿನ ತಲೆಮಾರಿನ LPDDR5 ಗಿಂತ 33 ಪ್ರತಿಶತ ವೇಗವಾಗಿದೆ ಎಂದು ಹೇಳಲಾಗುತ್ತದೆ.
ಒಪ್ಪೋ ಫೈಂಡ್ N3 ಫ್ಲಿಪ್ (Oppo Find N3 Flip) ಫೋನ್ ನ ಬೆಲೆ
ಒಪ್ಪೋ ಈ ವರ್ಷದ ಆರಂಭದಲ್ಲಿ ಚೀನಾದಲ್ಲಿ ಬಿಡುಗಡೆ ಮಾಡಿದಂತೆಯೇ ಇದೆ. ಆದರೆ, ಇದರ ಬೆಲೆ ಬಹಿರಂಗವಾಗಿಲ್ಲ. ಮೂಲಗಳ ಪ್ರಕಾರ ಒಪ್ಪೋ ಫೈಂಡ್ N3 ಫ್ಲಿಪ್ 90,000 ರೂ. ಗೆ ದೇಶದಲ್ಲಿ ರಿಲೀಸ್ ಆಗಲಿದೆ ಎಂದು ಹೇಳಲಾಗಿದೆ.