Insurance Policy: 299 ರೂ ಹೂಡಿಕೆ ಮಾಡಿದರೆ ಸಿಗಲಿದೆ 10 ಲಕ್ಷ ರೂ, ಪೋಸ್ಟ್ ಆಫೀಸ್ ಈ ಯೋಜನೆಗೆ ಅರ್ಜಿ ಸಲ್ಲಿಸಲು ಜನರ ಕ್ಯೂ.

Postal Life Insurance Policy: ಇಂದಿನ ಕಾಲದಲ್ಲಿ ನಾವು ದುಡಿಯುತ್ತ ಇರುವಾಗಲೇ ಅಲ್ಪಸ್ವಲ್ಪ ಉಳಿತಾಯ ಮಾಡುತ್ತಾ ಇರಬೇಕು ಇಲ್ಲ ಅಂತಾದರೆ ಮುಂದಿನ  ಭವಿಷ್ಯ ಬಹಳ ಕಷ್ಟಕರವಾಗಲಿದೆ. ನಮ್ಮ ಆದಾಯದಲ್ಲಿ ಇಷ್ಟನ್ನು ಉಳಿತಾಯಕ್ಕೆ ಎಂದು ಎತ್ತಿಟ್ಟಾಗ  ನಮ್ಮ ಕುಟುಂಬದ ರಕ್ಷಣೆಗೆ ಸಾಧ್ಯವಾಗುತ್ತದೆ. ಉದ್ಯೋಗದ ಜೊತೆಗೆ ಉಳಿತಾಯ ವಿಮೆಮಾಡಿಸುವುದು ಕೂಡ ಅತ್ಯಗತ್ಯ.

ಅಷ್ಟೇ ಅಲ್ಲದೆ ಅದರಲ್ಲೂ  ಹೆಲ್ತ್‌ ಇನ್ಶೂರೆನ್ಸ್‌, ಲೈಫ್‌ ಇನ್ಶೂರೆನ್ಸ್‌ ಕಡ್ಡಾಯವಾಗಿ ಇರಲೇ ಬೇಕು. ಆದರೆ ಬರುವ ಆದಾಯ ಜೀವನ ನೆಡೆಸಲು ಸಾಗಾಗುತ್ತಿಲ ಎಂದು ಹೇಳಿಕೊಳ್ಳುವವರಿಗೆ  ತಿಳಿದುಕೊಳ್ಳಲೇ ಬೇಕಾದ ಮಾಹಿತಿಯನ್ನು ಮನಿಗೈಡ್‌ (Money Guide) ತಿಳಿಸಿಕೊಡುತ್ತಿದೆ.

ಇಂಡಿಯಾ ಪೋಸ್ಟ್‌ ಪೇಮೆಂಟ್‌ ಬ್ಯಾಂಕ್‌ ವತಿಯಿಂದ ಹೊಸ ಯೋಜನೆ

ಇಂಡಿಯಾ ಪೋಸ್ಟ್‌ ಪೇಮೆಂಟ್‌ ಬ್ಯಾಂಕ್‌ ವತಿಯಿಂದ ಈ ಯೋಜನೆಯನ್ನು ಜಾರಿಗೊಳಿಸಲಾಗುತ್ತಿದೆ. ಈ ಇನ್ಶೂರೆನ್ಸ್‌ ಪಾಲಿಸಿಯಲ್ಲಿ ವರ್ಷಕ್ಕೆ ಕೇವಲ 399 ರೂ. ಹೂಡಿಕೆ ಮಾಡಿದರೆ 10 ಲಕ್ಷ ರೂ. ಕವರೇಜ್‌ ಸಿಗುತ್ತದೆ. 399 ರೂ. ಮೌಲ್ಯ ಅಧಿಕವಾಯಿತು ಎನ್ನುವವರಿಗೆ ಇದೇ ಪಾಲಿಸಿ 299 ರೂ.ಗೆ ಲಭಿಸುತ್ತದೆ.

India Post Payments Bank ಮತ್ತು TATA AIG Insurance ಸಹಯೋಗದಲ್ಲಿ Group Accident Insurance ಎನ್ನುವ ಯೋಜನೆಯನ್ನು ಪರಿಚಯಿಸಲಾಗಿದೆ. ಒಂದು ವೇಳೆ ನೀವು ಇಂಡಿಯಾ ಪೋಸ್ಟ್‌ ಪೇಮೆಂಟ್‌ ಬ್ಯಾಂಕ್‌ ಅಕೌಂಟ್‌ ಹೊಂದಿದ್ದರೆ ಈ ಅನುಕೂಲ ಸಿಗುತ್ತದೆ. ವರ್ಷಕ್ಕೆ 299 ರೂ. ಅಥವಾ 399 ರೂ. ಪಾವತಿಸಿ 10 ಲಕ್ಷ ರೂ. ಕವರೇಜ್‌ ಪಡೆಯಬಹುದು.

ಈ ಯೋಜನೆಯ ಪ್ರಯೋಜನಗಳು

ಈ ಯೋಜನೆಯಲ್ಲಿ  ಬೇಸಿಕ್‌ ಮತ್ತು ಪ್ರೀಮಿಯಂ ಎಂಬ 2 ಆಯ್ಕೆಗಳಿವೆ. ಬೇಸಿಕ್‌ ಆಯ್ಕೆ 299 ರೂ.ಗೆ ಮತ್ತು ಪ್ರೀಮಿಯಂ ಆಯ್ಕೆ 399 ರೂ.ಗೆ ದೊರೆಯುತ್ತದೆ. ಮೊದಲನೇದಾಗಿ  ಪ್ರೀಮಿಯಂ ಆಯ್ಕೆಯ ಅನುಕೂಲಗಳೇನು ಎಂದರೆ  ಒಂದು ವೇಳೆ ಈ ಪಾಲಿಸಿ ಮಾಡಿದಾತ ಅಪಘಾತದಿಂದ ಮೃತಪಟ್ಟರೆ ಆತನ ಕುಟುಂಬಕ್ಕೆ 10 ಲಕ್ಷ ರೂ. ಸಿಗಲಿದೆ. ಮಾತ್ರವಲ್ಲ ಶಾಶ್ವತ ಅಂಗವಿಕಲತೆ, ಎದ್ದು ಓಡಾಡಲು ಸಾಧ್ಯವಾಗದ ಸ್ಥಿತಿ, ತಾತ್ಕಾಲಿಕ ಅಂಗವಿಕಲತೆ  ಎದುರಾದರೂ 10 ಲಕ್ಷ ರೂ. ದೊರೆಯುತ್ತದೆ.

ಈ ಪಾಲಿಸಿಯ ಇನ್ನೊಂದು ಮುಖ್ಯ ಅಂಶ ಎಂದರೆ ಪಾಲಸಿದಾರರಿಗೆ ಸಮಸ್ಯೆ ಉಂಟಾದರೆ ಅವರ ಮಕ್ಕಳಿಗೆ 1 ಲಕ್ಷ ರೂ.ವರೆಗೆ ಶಿಕ್ಷಣಕ್ಕಾಗಿ ನೆರವು ಸಿಗಲಿದೆ. ಈಗಾಗಲೇ ಅಡ್ಮಿಷನ್‌ ಆಗಿರುವ ಮಕ್ಕಳಿಗೆ ಮಾತ್ರ ಈ ನೆರವು ಲಭಿಸಲಿದೆ. ಇನ್ನು Accidental Medical Expenses IPD ವರ್ಗಕ್ಕೆ 60 ಸಾವಿರ ರೂ. ಅಥವಾ ಆಸ್ಪತ್ರೆಯ ಬಿಲ್‌ ಯಾವುದು ಕಡಿಮೆ ಇರುತ್ತದೆಯೋ ಅದು ದೊರೆಯುತ್ತದೆ. ಉದಾಹರಣೆಗೆ ಆಸ್ಪತ್ರೆ ಬಿಲ್‌ 65 ಸಾವಿರ ರೂ. ಆಗಿದ್ದರೆ 60 ಸಾವಿರ ರೂ. ದೊರೆಯುತ್ತದೆ. ಒಂದು ವೇಳೆ ಬಿಲ್‌ 40 ಸಾವಿರ ರೂ. ಆಗಿದ್ದರೆ ಅಷ್ಟು ಮಾತ್ರ ಸಿಗಲಿದೆ.

ಬೇಸಿಕ್‌ ಆಯ್ಕೆಯಲ್ಲಿ ಇಷ್ಟೆಲ್ಲ ಪ್ರಯೋಜನೆಗಳಿವೆ

ಪ್ರತಿ ವರ್ಷ 299 ರೂ. ಕಟ್ಟಿದರೆ ಬೇಸಿಕ್‌ ಆಯ್ಕೆ ಲಭಿಸುತ್ತದೆ. ಇದರಲ್ಲೂ ಸಾಕಷ್ಟು ಅನುಕೂಲಗಳಿವೆ. ಆಕ್ಸಿಡೆಂಟಲ್‌ ಡೆತ್‌ಗೆ 10 ಲಕ್ಷ ರೂ., ಶಾಶ್ವತ ಅಂಗವಿಕಲತೆಗೆ 10 ಲಕ್ಷ ರೂ., ಗಂಭೀರ ಗಾಯಕ್ಕೆ 10 ಲಕ್ಷ ರೂ. ಲಭಿಸುತ್ತದೆ. ಆಕ್ಸಿಡೆಂಟಲ್‌ ಮೆಡಿಕಲ್‌ ಎಕ್ಸ್‌ಪೆನ್ಸಸ್‌ ಐಪಿಡಿ ವರ್ಗಕ್ಕೆ 60 ಸಾವಿರ ರೂ. ಅಥವಾ ಬಿಲ್‌ ಎರಡರಲ್ಲಿ ಯಾವುದು ಕಡಿಮೆ ಇದೆಯೋ ಅದು ಲಭಿಸುತ್ತದೆ. ಆಕ್ಸಿಡೆಂಟಲ್‌ ಮೆಡಿಕಲ್‌ ಎಕ್ಸ್‌ಪೆನ್ಸಸ್‌ ಒಪಿಡಿ ವರ್ಗಕ್ಕೆ 30 ಸಾವಿರ ರೂ. ಅಥವಾ ಕಡಿಮೆ ಬಿಲ್‌ನ ಮೊತ್ತ ಕ್ಲೈಮ್‌ ಆಗುತ್ತದೆ.

ಇನ್‌ ಹಾಸ್ಪಿಟಲ್‌ ಡೈಲಿ ಕ್ಯಾಶ್‌ (In-Hospital Daily Cash)

ಇದು ಪ್ರೀಮಿಯಂ ಪಾಲಿಸಿಯ ಇನ್ನೊಂದು ಅನುಕೂಲ. ಅಂದರೆ ಹಾಸ್ಪಿಟಲ್‌ನಲ್ಲಿ ಅಡ್ಮಿಟ್‌ ಆಗಿರುವ ವಿಮೆದಾರರಿಗೆ ಸುಮಾರು 10 ದಿನಗಳ ಕಾಲ ಪ್ರತಿದಿನ 1 ಸಾವಿರ ರೂ. ಪಾವತಿಸಲಾಗುತ್ತದೆ. Family Transportation Benefits ಎನ್ನುವ ಇನ್ನೊಂದು ಅಂಶವೂ ಇದರಲ್ಲಿದೆ. ಅಪಘಾತಕ್ಕೀಡಾದವರನ್ನು ಆಸ್ಪತ್ರೆಗೆ ಸಾಗಿಸಲು ಆಂಬುಲೆನ್ಸ್‌ಗೆ ಮಾಡಿದ ಖರ್ಚಿನಲ್ಲಿ ಗರಿಷ್ಠ 25 ಸಾವಿರ ರೂ. ತನಕ ಸಿಗಲಿದೆ. ಮಾತ್ರವಲ್ಲ ಈ ಪಾಲಿಸಿ ಮಾಡಿಕೊಂಡವರು ಮರಣ ಹೊಂದಿದರೆ ಅಂತ್ಯ ಸಂಸ್ಕಾರಕ್ಕಾಗಿ ಸುಮಾರು 5 ಸಾವಿರ ರೂ. ಲಭಿಸುತ್ತದೆ.

ಈ ನಿಯಮಗಳು ಕಡ್ಡಾಯ

ಶಾಶ್ವತ ಅಂಗವಿಕಲತೆ, ಎಜ್ಯುಕೇಷನ್‌ ಬೆನಿಫಿಟ್‌ ಮತ್ತಿತರ ಅನುಕೂಲಗಳು 1 ವರ್ಷದೊಳಗೆ ಸಿಗುತ್ತದೆ. ಚಿಕಿತ್ಸೆಗಾಗಿ 150 ಕಿ.ಮೀ. ಸಂಚರಿಸಿದರೆ ಮಾತ್ರ ಫ್ಯಾಮಿಲಿ ಟ್ರಾನ್ಸ್‌ಪೊರ್ಟೇಷನ್‌ ಬೆನಿಫಿಟ್ಸ್‌ ಸಿಗಲಿದೆ. ಅಪಘಾತವಾಗಿ 1 ವರ್ಷದೊಳಗೆ ಮರಣ ಹೊಂದಿದರೆ 10 ಲಕ್ಷ ರೂ. ದೊರೆಯುತ್ತದೆ.

18 ವರ್ಷಗಳಿಂದ ಮೇಲ್ಪಟ್ಟು 60 ವರ್ಷಗಳಿಗಿಂತ ಒಳಗಿನವರು ಮಾತ್ರ ಈ ವಿಮೆಗೆ ಅರ್ಹರು.  ಹಾಗು ಆತ್ಮಹತ್ಯೆ, ಮಿಲಿಟರಿ ಸರ್ವಿಸ್‌, ಯುದ್ಧ, ಅಕ್ರಮ ಚಟುವಟಿಕೆ, ಬ್ಯಾಕ್ಟೀರಿಯಾ ಸೋಂಕು, ಕಾಯಿಲೆ, ಏಡ್ಸ್‌, ಅಪಾಯಕಾರಿ ಕ್ರೀಡೆ ಈ ಸಂದರ್ಭಗಳಲ್ಲಿ ಈ ಪಾಲಿಸಿ ಅಪ್ಲೈ ಆಗುವುದಿಲ್ಲ. ಇವೆಲ್ಲಾ ಈ ಯೋಜನೆಯ ವ್ಯಾಪ್ತಿಗೆ ಬರುವುದಿಲ್ಲ .